Skeggbolli

Skeggbollinn er yfirleitt talinn hafa verið fundinn upp af enska postulínsframleiðendanum Harvey Adams árið 1860. Frá 1860-1916 urðu menn í breska hernum samkvæmt reglugerð að láta sér vaxa yfirvaraskegg. Þetta gerði sumum te- og kaffidrykkja erfið, ekki bara því þeir áttu til að dýfa óvart skegginu í bollann, heldur því að flestir notuðu skeggvax. Heit gufan af drykkjunum átti til að bræða vaxið svo að yfirvaraskeggið missti alla lögun. Því datt Adams í hug að setja skegghlíf í bollana sem hann framleiddi, til að koma mönnum hjá slíkri skömm.

Ástæðunar fyrir þessarri skeggreglugerð breska hersins eru ekki alveg á hreinu, en eiga líklega uppruna sinn í nýlenduveldi breta á Indlandi. Þar voru mikilfengleg yfirvaraskegg í tísku hjá körlum og ein hugmynd er sú að bretar á Indlandi hafi einfaldlega hrifist af tískunni. Aðrar heimildir benda til þess að bretar í hernum hafi átt erfitt með að halda yfirvaldi sínu yfir indverskum hermönnum, því að þeir hafi ekki borið neina virðingu fyrir skegglausum mönnum. Hvernig sem þetta átti sér nú stað, þá breiddust skeggbollar út um alla Evrópu og um Norður-Ameríku, allstaðar þar sem yfirvaraskegg voru vinsæl.